પ્રથમ સેમીકન્ડકટર વેફર ફેબ પ્લાન્ટનું મોદી કરશે ભૂમિપૂજન: પ્લાન્ટ માટે ટાટા કરશે પાવર ચીપ તાઇવાન સાથે કોલોબ્રેશન ...
- 13 Mar, 2024
દેશના પ્રથમ સેમીકન્ડકટર વેફર ફેબ પ્લાન્ટનું આજે વડાપ્રધાન નરેન્દ્ર મોદી ભૂમિ પૂજન કરવાના છે. અમદાવાદ નજીક ધોલેરામાં આ સેમી કંડક્ટર પ્લાન્ટ લગાવવા આવશે .જેમાં ટાટા જૂથની TEPLકંપની 91 હજાર કરોડનું રોકાણ કરી રહી છે.જેની ઘોષણા ગત ફેબ્રુઆરી માસમાં કેન્દ્રીય પ્રધાન અશ્વિની વૈષ્ણવ દ્વારા કરવામાં આવી હતી. TEPL એટલે કે ટાટા ઇલેક્ટ્રોનિક પ્રાઇવેટ લિમિટેડ તાઇવાનની કંપની પાવરચિપ સેમીકંડક્ટર PSME સાથે મળીને ધોલેરામાં સેમી કંડક્ટર પ્લાન્ટ લગાવશે.જેનું આજે ભૂમિ પૂજન થશે.
આ ભૂમિપૂજન કાર્યક્રમમાં વડાપ્રધાન મોદી વર્ચ્યુઅલી જોડાવવાના છે. તો રાજ્યના મુખ્યપ્રધાન અને કેન્દ્ર-રાજ્યના પ્રધાનો પણ ઉપસ્થિત રહેશે. આ કાર્યક્રમ પૂરો થયા બાદ ધોલેરામાં મુખ્યપ્રધાન ભૂપેન્દ્ર પટેલ અને કેન્દ્રીય પ્રધાન અશ્વિની વૈષ્ણવ બ્રિફિંગ કરશે. ટાટા સમૂહની TEPL દ્વારા 91 હજાર કરોડનું રોકાણ, ગુજરાતને સેમિકન્ડકટર ક્ષેત્રનું હબ બનાવવાનો પ્રયાસ કરવામાં આવી રહ્યો છે.
ધોલેરા ખાતે 91 હજાર કરોડ રુપિયાના ખર્ચે સેમીકન્ડકટર વેફર ફેબ પ્લાન્ટનું ભૂમિ પૂજન થવાનું છે.જેના કારણે હવે ટાટા અને પાવર ચીપ તાઇવાનના કોલોબ્રેશનથી ગુજરાતના ધોલેરામાં દેશની સૌથી પહેલી સેમી કન્ડક્ટર ફેબ બનાવવામાં આવશે.આ સેમી કન્ડકટર ફેબમાં મહીને 50 હજાર વેફર ફેબ બનાવવામાં આવશે.એક વેફરની અંદર લગભગ 5 હજાર જેટલી ચીપ હોય છે.આ પ્લાન્ટથી વર્ષની લગભગ 300 કરોડ ચિપ્સ બનાવવામાં આવશે.
આ ચિપ્સ લગભગ આઠ સેક્ટરને કવર કરશે.હાઇ પાવર કમ્પ્યુટ, ઇલેક્ટ્રીક વ્હીકલ્સ, ટેલિકોમ, ડિફેન્સ, કન્ઝ્યુમર ઇલેક્ટ્રોનિક્સ, ઓટો મોબાઇલ, પાવર ઇલેક્ટ્રોનિક્સ આ બધા સેક્ટરમાં ચિપ્સનો ઉપયોગ કરવામાં આવશે.ખૂબ જ આધુનિક ટેકનોલોજી દ્વારા આ ચિપ્સનું ઉત્પાદન કરવામાં આવશે.જેથી આ પ્રોજેક્ટને ખૂબ જ મહત્વનો માનવામાં આવે છે. મહત્વનું છે, PSMEની તાઇવાનમાં 6 સેમીકંડક્ટર ફાઉંડ્રી છે.જેમાં એક વેફરમાં 5 હજાર ચિપની ક્ષમતા હોય છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ